कञ्चनपुर । धारिलो हतियार प्रहार गरी कञ्चनपुरमा छिमेकीको हत्या गरिएको छ ।
पुनर्वास नगरपालिका ५ मा गौरव खड्काले स्थानीय ५० बर्षिया गोपाल कुँवरको हत्या गरेको जिल्ला जिल्ला प्रहरी कार्यालय कञ्चनपुरले जनाएको छ ।
राति करिब १०:४० बजे खड्काले कुँवरलाई धारिलो हतियार प्रहार गरेको र उनको घटना स्थलमै मृत्यु भएको जिल्ला प्रहरी कार्यालय कञ्चनपुरका प्रवक्ता प्रहरी नायव उपरीक्षक अमर बहादुर थापा क्षेत्रीले बताउनुभयो ।
हत्या पछि खड्का फरार रहेको र उनको खोजी भइरहेको उहाले जानकारी दिनुभयो । हत्याको कारण भने अझै खुल्न नसकेको प्रहरी नायव उपरीक्षक थापा क्षेत्रीको भनाइ छ ।
घटनाको थप अनुसन्धानका लागि कुकुर सहितको टोलिले अनुसन्धान गरिरहेको उहाले बताउनुभयो ।
प्रतिक्रिया