काठमाडौं । राष्ट्रपतिद्वारा प्रमाणिकरण गरिएको नागरिकता विधेयक कार्यान्वयन नगर्न अल्पकालीन अन्तरिम आदेश जारी भएको छ ।
सर्वोच्च अदालतका न्यायाधीश मनोज शर्माको एकल इजलासले तत्कालका लागि यो विधेयक कार्यान्वयन नगर्न अल्पकालीन अन्तरिम आदेश जारी गरेको हो । राष्ट्रपति रामचन्द्र पौडेलले गत बुधबार अघिल्लो राष्ट्रपतिले होल्डमा राखेको नागरिकता विधेयक प्रमाणीकरण गरेका थिए ।
विधेयक प्रमाणिकरण गैरसंवैधानिक भएको दाबी गर्दै वरिष्ठ अधिवक्ता सुरेन्द्र भण्डारी र बालकृष्ण न्यौपानेले रिट दायर गरेका थिए ।
आइतबार सुनुवाइ गर्दै सर्वोच्चले अन्तरिम आदेशका लागि दुवै पक्षलाई बोलाएको छ । यसैगरी राष्ट्रपति कार्यालयलगायतका नाममा कारण देखाउ आदेश जारी भएको छ ।
प्रतिक्रिया