गुल्मीमा अरिङ्गालले टोकेर एकजनाको मृत्यु

गुल्मी । गुल्मीमा अरिङ्गालले टोकेर एकजनाको मृत्यु भएको छ । मुसिकोट नगरपालिका–४ का २१ वर्षीय शैलेससिंह ठकुरीको अरिङ्गालले टोकाइबाट मृत्यु भएको हो ।

सोमबार अरिङ्गालले टोके पनि मंगलबार बिहान मात्र उनलाई उपचारका लागि गुल्मी अस्पताल लगिएको थियो ।

उपचारका क्रममा उनको गुल्मी अस्पतालमा मृत्यु भएको प्रहरीले जनाएको छ । सोमबार बेलुका देविस्थान सामुदायिक जंगलमा सल्लाको बोटमा रहेको अरिङ्गागालको गोलो पोल्ने क्रममा उनलाई अरिङ्गालले टोकेको थियो ।