नेपालगन्ज । नेपालगन्ज उद्योग वाणिज्य संघको शनिबार सम्पन्न निर्वाचनमा समावेशी प्यानलले वर्चस्व कायम गरेको छ । समाजेशीबाट अध्यक्ष पदका उम्मेदवार टंक धामी सहित ३ उपाध्यक्ष, महासचिव, ७ जना सदस्य र एक एशोसियट सदस्य निर्वाचनमा विजयी भएका छन् ।
मध्यराती सकिएको मतगणनाबाट उद्योग तर्फको उपाध्यक्षमा चिरन्जिवी ओली र बाणिज्य तर्फको उपाध्यक्षमा हरिलाल न्यौपाने विजयी भएका छन् । उनीहरुले २१०५ र १७७६ मत प्राप्त गरे । उनीहरुका प्रतिद्वन्द्वी सफिक बेहनाले १२३३ मत पाए भने विष्णु प्रसाद श्रेष्ठले १४६७ मत प्राप्त गरे ।
त्यसैगरि महिला उपाध्यक्षमा पनि समावेशीकी मन्दिरा पाण्डेले १८७७ मत सहित बिजयी भइन । साझा प्रजातान्त्रिक समुहकी करिस्मा योगीले १४९४ मत प्राप्त गरिन् । महासचिवमा समाजेशीबाटै भीमबहादुर रानाभाट १९२६ मत सहित विजयी भएको भनिएपनि साझा प्रजातान्त्रिक प्यानलबाट असन्तुष्टी ब्यक्त गरिएपछि यथास्थितीमा राखिएको छ । रानाभाटका प्रतिद्वन्द्वी टंक शर्माले १९२० ल्याएका छन् । उपमहासचिवमा साझा प्रजातान्त्रिकका टेकबहादुर खड्का र कोषाध्यक्षमा मख्खन धामी विजयी भएका छन् ।
मतगणनामा फरक बुथको मतपेटीकामा परेका मतपत्रलाई बदर गर्ने समहति अनुसार सदस्य पदको मतगणनामा बदर गरिएपनि महासचिजको मतान्तर ६ मतको मात्र परेपछि फरक मतपेटीकामा परेको मतपत्रको गणना माग गरिएको कारण विवाद भएको बताइएको छ । महासचिव, उपमासचिव र कोषाध्याक्षको एउटै मतपत्र भएका कारण ती पदहरुको मतप्राप्त अंक अन्तिम नभएको साझा प्रजातान्कि समहुका निर्वाचन संयोजक संजय थापाले बताए । समावेशी समुहले भने सदस्यहरुको हकमा फरक मतपेटीकाका मत पत्र बदर मानिएपछि महासचिवको पनि स्वत बदर हुने अडान लिएको बताइएको छ । दुबैपक्षले सहमतिको प्रयास जारी राखेको निर्वाचन आयुक्त टिकाजङ्ग सिंहले बताए ।
कोषाध्यक्षमा साझा प्रजातान्त्रिक समुहका मख्खनधामीले २०८९ मत पाएका छन् भने समावेशीमा सलाउद्दीन जसगढले १५६६ मत पाएका छन् ।
त्यसैगरी त्यसैगरी एशोसियट सदस्यतर्फ समावेशी प्यानलबाट कमल कार्की र साझा प्रजातान्त्रिक प्यानलबाट प्रदिप कुमार गुप्ता विजयी भएका छन् । बस्तुगत सदस्य तर्फ स्वतन्त्र उम्मेदवार किसन गुरुङ र साझा प्रजातान्त्रिक प्यानलबाट हिमनाथ पौडेल र विनय श्रेष्ठ निर्वाचित भएका छन् । बस्तुगत तर्फ पौडेल र श्रेष्ठको बराबर मत आएपछि दुवैजनाले आधा आधा कार्यकाल बाड्ने बताइएको छ ।
प्रतिक्रिया