काठमाडौं । पृथ्वी राजमार्ग अन्तर्गत धादिङको छहरा भन्ने स्थानबाट यात्रुबाहक बस त्रिशुली नदीमा खसेको छ । काठमाडौंबाट बागलुङ जाँदै गरेको बस बुधबार बिहान त्रिशुलीमा खसेको हो ।
बिहान काठमाडौबाट बागलुङतर्फ जाँदै गरेको प्रदेश ३-०१-००५-ख९९५२ नमबरको बस त्रिसुली नदिमा खसेको जिल्ला प्रहरी कार्यालय धादिङले जनाएको छ । दुर्घटनामा परि केही हताहती भएको धादिङ प्रहरी प्रमुख गौतम मिश्रले बताए । घटनाको विवरण पूर्णरुपमा आइनसकेकोले हताहती र घाइतेको संख्या थाहा हुन बाँकी रहेको उनले बताए ।
प्रहरीका अनुसार दुर्घटना बारे थप विवरण आउन बाँकी छ । उद्धार टोली घटनास्थलमा परिचालित भइसकेको प्रहरीले जनाएको छ ।
प्रतिक्रिया