नेपालगन्ज । भारतबाट नेपाल आउँदै गरेका एकजना स्रोत नखुलेको अवैध ३ लाख रुपैयाँसहित नेपालगन्जको सीमा नाकाबाट पक्राउ परेका छन् । मंगलबार साँझ नेपाल आउँदै गरेका भारतीय नागरिक श्रोत नखुलेको नेपाली रकम सहित पक्राउ परेका हुन् ।
भारतको रुपइडिहाबाट यूपी ३२ एल.एच. ३७०४ नम्बरको मोटरसाईलमा नेपालगन्ज आउँदै गरेका ३० वर्षिय ईस्तियाक अहमदसँग चेक जाँचका क्रममा ३ लाख रुपैयाँ भेटिएपछि उनले श्रोत खुलाउन नस्क्दा सशस्त्र प्रहरी जमुनाह बिओपी उनलाई नियन्त्रणमा लिएको सशस्त्र प्रहरीले जनाएको छ।
सशस्त्र प्रहरीले नेपालगन्ज(१५ बाट मंगलबार ३ लाख रुपैयाँसँगै नियन्त्रणमा लिइएका अहमदलाई आवश्यक कारवाहीका लागि नेपालगन्ज भन्सार कार्यालय बाँकेमा बुझाइएको जनाएको छ।
भन्सार बुझाइएको मोटरसाईकलको मूल्य २ लाख रुपैयाँ दाखिला गरेको सशस्त्र प्रहरीले जनाएको छ।
प्रतिक्रिया