काठमाडौं । आजदेखि अनिश्चितकालीन शिक्षणसंस्था हड्तालमा उत्रिएका शिक्षकहरु र सरकारबीच वार्ता भएको छ ।
देशभरका सामुदायिक स्कुलको पठनपाठन ठप्प पारेर काठमाडौं केन्द्रित आन्दोलनमा उत्रिएका शिक्षका प्रतिनिधिहरु र सरकारबीच सिंहदरबारमा बिहान ८बजेदेखि ९बजेसम्म वार्ता भएको हो । वार्तामा सरकारी पक्षको प्रतिनिधित्व उपप्रधान एवं गृहमन्त्री नारायणकाजी श्रेष्ठले गरेका छन्। वार्तामा शिक्षामन्त्री अशोक राई र शिक्षा मन्त्रालयका सचिव सुरेश अधिकारी पनि सहभागी थिए ।
यस्तै आन्दोलनकारी शिक्षकको तर्फबाट शिक्षक महासंघकी अध्यक्ष कमला तुलाधर तथा नेपाल शिक्षक संघ, नेपाल राष्ट्रिय शिक्षक संगठन र अखिल नेपाल शिक्षक संगठनका प्रतिनिधिहरु सहभागी थिए ।
पुनः वार्ता गर्नेगरी आजको वार्ता सकिएको र वार्ता सकारात्मक भएको बताइएको छ।
वार्तामा सरकारका तर्फबाट शिक्षामन्त्री अशोक राईलगायत सहभागी थिए। वार्ता ८ बजेदेखि ९ बजेसम्म भएको थियो।
यसअघि शिक्षा मन्त्रालयले वार्तामा बोलाउँदा शिक्षकहरुले निर्णय गर्नसक्ने हैसियतका प्रतिनिधिसँग मात्र वार्तामा बस्ने भन्दै अस्वीकार गरेका थिए ।
हिजो काठमाडौंमा प्रदर्शन गरेका शिक्षकहरुले माग पुरा नभएसम्म विद्यालय नफर्किने अडान राखेका छन् । शिक्षकहरुले आज पनि माइतीघर मण्डलामा प्रदर्शनको तयारी गरेका छन् ।
प्रतिक्रिया