नेपालगञ्ज । कोरोनाको कहरबीचमा रगतको अभाव हुन नदिन बाँकेमा प्रहरीले रक्तदान गरेका छन् ।
जिल्ला प्रहरी कार्यालय, बाँके र सामुदायिक सेवा केन्द्र, बाँकेको आयोजनामा प्रहरीले रक्तदान गरेका हुन् । कार्यक्रमको बांँकेका प्रमुख जिल्ला अधिकारी रामबहादुर कुरुम्वाङले उदघाटन गरे । रक्तदान कार्यक्रममा जिल्लामा कार्यरत नेपाल प्रहरी तथा ट्राफिक प्रहरीका अधिकृत तथा जवानहरुले रक्तदान गरेका थिए ।
जिल्ला प्रहरी कार्यालय बाँकेका प्रमुख प्रहरी उपरिक्षक ओमबहादुर रानाले रगत अभावमा कसैको पनि ज्यान नजाओस् भनेर प्रहरीले रक्तदान गरेको बताए ।
कार्यक्रममा प्रहरीका ९८ जना र ३ जना सर्वसाधारण गरी जम्मा १ सय १ जनाले रक्तदान गरेका थिए ।
प्रतिक्रिया