काठमाडौं । नेकपा एमालेको रसुवा जिल्ला पार्टी सचिवालय सदस्य काजिमान वाइवा नेकपा माओवादी केन्द्रमा प्रवेश गरेका छन् ।
माओवादी सशस्त्र युद्ध कालमा जनसरकार प्रमुख समेत बनेका केही वर्षदेखि माओवादी छोडेर एमालेको राजनीति गरिरहेका थिए । वाइवा आज पुनः आफ्नो पुरानो पार्टीमा फर्किएका हुन् ।
प्रधानमन्त्री एवं माओवादी केन्द्रका अध्यक्ष प्रचण्डले आज बालुवाटारस्थित निवासमा वाइवालाई पार्टीमा स्वागत गरेका छन् । वाइवा शहीद कुमारी वाइवाका बाबु हुन् । आजै रसुवाका ऋषि पौडेल पनि माओवादीको जनसंगठन एकीकृत अखिल नेपाल रास्ट्रिय शिक्षक संगठनमा प्रवेश गरेका छन् ।
प्रतिक्रिया