बुटवल । नेकपा (माओवादी केन्द्र) कि नेतृ तथा विवादित टिकटकर शान्ति बराललाई माओवादी केन्द्रले साधारण सदस्यता समेत नरहने गरि निस्काशन गरेको छ । पार्टी अनुशासन उल्लङ्घन गरेको अभियोगमा बराललाई माओवादीले निस्काशन गरेको हो ।
माओवादी केन्द्रको सैनामैना नगर समितिले बराललाई सम्पूर्ण जिम्मेवारीबाट मुक्त गरिनुका साथै सदस्यता समेत खारेज गरेको माओवादी केन्द्र रुपन्देहीका संयोजक नारायण जीसी निर्मलले पुष्टि गरे ।
उनी सैनामैना नगर समिति सदस्य तथा वाइसिएलकी नेतृसमेत थिइन् । चर्चित टिकटकर रहेकी बरालले पछिल्लो समय अश्लील गतिविधि देखाउन थालेपछि उनको आलोचना भएको थियो ।
बरालले पार्टीको साङ्गठनिक जिम्मेवारी, आम नेपालीको सामाजिकरसांस्कृतिक व्यवहारका विरूद्ध सामाजिक सञ्जालमा प्रस्तुत भएकाले निलम्बन गरिएको निर्मलले बताए ।
बरालको पछिल्लो टिकटक लाईभमा उनले देखाएको अस्लिल हर्कतलाई लिएर सामाजिक सञ्जाल प्रयोगकर्ताहरुले चर्को आलोचना गरेका थिए । बरालले भने एआई प्रबिधि प्रयोग गरेर आफुलाई बदनाम गराएको बताउँदै आएकी थिइन् ।
प्रतिक्रिया