खजुराले दियो लगातार १ हप्ते शैक्षिक बिदा

खजुरा । खजुरा गाउँपालिकाले माघ ७ गते देखि १३ गते सम्म पालिका अन्तर्गतको विद्यालयहरुलाई बिदा दिने निर्णय गरेको छ । पालिकाको शिक्षा शाखाले माघ ७ देखि १० सम्म खेल बिदा र ११ देखि १३ गते सम्म जाडो बिदा दिने सूचना जारी गरेको छ ।

पालिकाले जारी गरेको सूचनामा माघ ७ गतेबाट राष्ट्रिय रनिङशिल्ड अन्तर्गत छैटौं अन्तर विद्यालय मेयर कप रनिङशिल्ड प्रतियोगिता संचालन हुने जनाएको छ । सो खेल अवधिभर विद्यालयहरु बन्द गरि खेल प्रतियोगितामा सहभागीता जनाउन विद्यालयहरुलाई आग्रह गरिएको छ भने त्यस पछिको ३ दिन जाडो बिदा दिन विद्यालयहरुलाई सूचना गरिएको छ ।

तराईमा लामो समयदेखि अत्याधिक चिसो पढ्दा पनि पालिकाले जाडो बिदा नदिएको भन्दै स्थानीयबासीले पालिकासँग बिदाको माग गर्दै आएका थिए ।