कपिलवस्तु । भगवान रामलाई नेपालको ज्वाईको दर्जा दिँदै अयोध्यामा राम मन्दिरको प्राण प्रतिस्ठाका दिन कपिलवस्तुको शुद्धोधन गाउँपालिकाले सार्वजनिक बिदा दिएको छ । भारतको अयोध्यामा नवनिर्मित राम मन्दिरमा प्राणप्रतिष्ठाको अवसर पारेर पालिकाले सोमबार स्थानीय बिदा दिएको हो ।
गाउँपालिका अध्यक्ष कमलेशशरण चौधरीले रामको विवाह नेपाली छोरी सीतासँग भएकाले बिदा दिने निर्णय गरिएको तर्क गरेका छन् । अध्यक्ष चौधरीले शुक्रबार एक सूचना जारी गर्दै गाउँपालिकाको कार्यालय, वडा कार्यालय, स्वास्थ्य संस्था र शैक्षिक संस्थाहरुमा बिदा दिइएको जनाएको छ ।
पालिकाले सोमबारका दिन पशुपन्छी र जीवजन्तुको बध, माछामासु र मदिराको बिक्री वितरण नगर्न समेत आग्रह गरेको छ ।
प्रतिक्रिया