काठमाडौं । विशेष अदालतले पूर्वसांसद एवं सिभिल सहकारीका सञ्चालक इच्छाराज तामाङलाई सम्पत्ति शुद्धिकरणको मुद्दामा
इच्छाराज तामाङविरुद्ध पौने २ अर्ब रुपैयाँ असुली र ३ वर्ष कैद सजायँ हुने फैसला गरेको छ ।
विशेष अदालतका अध्यक्ष टेकनारायण कुँवर तथा सदस्यद्वय तेजनारायणसिंह राई र मुरारीबाबु श्रेष्ठको इजलासले तामाङ र उनको श्रीमती विरुद्ध पौने ३ अर्ब रुपैयाँ जरिवाना हुनेगरी सजाय निर्धारण गरेको हो । श्रीमती श्रृजना शाक्य तामाङबाट करिब एक अर्ब रुपैयाँ जरिवाना असुल्नुपर्ने फैसला अदालतले गरेको छ ।
इजलासले सम्पत्ति शुद्धीकरणको अभियोगमा दोषी ठहर भएका तामाङका मामाससुरा केशवराज श्रेष्ठलाई समेत सजायँ तोकेको छ ।
इच्छाराज तामाङ संविधान सभा सदस्य तथा सिभिल सहकारीका तत्कालीन अध्यक्ष हुन् ।
तामाङलाई एक अर्ब ७२ करोड ४४ लाख ५९ हजार ९७ रुपैंया बराबरको जरिवाना र एक वर्ष ६ महिना कैद सजाय तोकिएको छ । त्यस्तै उनकी श्रीमती श्रृजनालाई एक अर्ब ३ करोड ५४ लाख ४३ हजार ४ सय ८७ रुपैंया जरिवाना र समान एक वर्ष ६ महिना कैद सजाय तोकिएको छ । यस्तै केशवलाल श्रेष्ठविरुद्ध २५ करोड ६५ लाख ८६ हजार १ सय २४ रुपैंया जरिवाना र डेढ वर्ष कैद तोकिएको छ ।
तामाङ दम्पती र श्रेष्ठले सिभिल सहकारीका बचतकर्ताको अर्बौं रुपैैंया घोटालाको अभियोगमा मुद्दा खेपिरहेका थिए ।
अदालतले जरिवाना असुलका लागि दोषि ठहरिएका व्यक्ति तथा मिना श्रेष्ठ, इच्छाराजका छोरीहरु प्रतिष्ठा तामाङ र प्रतीक्षा तामाङका नाममा रहेको सम्पत्ति समेत जफत गर्ने फैसला पनि गरेको छ ।
प्रतिक्रिया