नेपालगन्ज । नेपाली यातायात ब्यवसायीहरुले मात्र आहिलेसम्म नेपाल-भारत मैत्री बससेवा संचालन गरिरहेकोमा अवदेखि भारतीय ब्यवसायीलेपनि भारतबाट नेपालका लागि यात्री बस संचालन गर्ने भएका छन् । भारतीय यातायात कम्पनीबाट अव भारतीय सहर लखनउ र दिल्लीबाट नेपालका लागि बस सेवा संचालन हुने भएको हो । यसअघि नेपालबाट नेपाली बसहरु भारतका बिभिन्न सशरहरुमा जाने गरेकोमा अब भारतबाट पनि भारतीय बस नेपाल आउने भएको हो ।
सीमावर्ती बजार रुपैडिहा बस स्टेशनमा आज एक औपचारिक कार्यक्रम गरि लखनउ र दिल्लीबाट नेपालगन्ज सम्म चल्ने बस सेवाको उद्घाटन गरिएको छ । नारापाराका विधायक रामनिवास बर्मा, नगर पञ्चायत अध्यक्ष डा. उमाशंकर बैश्य, ब्लाक प्रमुख नबानबगन्ज जेपी सिंह, उत्तर प्रदेशका परिवाहन विभागका प्रबन्धक आरबीएल शर्मालगायतले भारत नेपाल मैत्री बस सेवाको उद्घाटन गरेका छन् ।
उदघाटन कार्यक्रममा बोल्दै रुपैडिहा नगर पञ्चायत अध्यक्ष वैश्यले सिधा बस सेवाले नेपाली यात्रुहरुलाई लाभ पुग्ने र बीच बाटोमा यात्रु लुटिने घटनामा पनि अंकुश लाग्ने बताए ।
सेवा प्रबन्धक आरबीएल शर्माले नेपालगन्जबाट लखनउ जाने पाँच बस, दिल्ली जाने पाँच बसलाई अनुमति दिइएको जानकारी दिए । उनले अयोध्या जाने दर्शनार्थीलाई लक्षित गरेर रुपैडिहाबाट बस सेवा सुरु गर्न लागेको पनि जनाए ।
उनले बनारसका लागि रुपैडिहाबाट बिहान ८ बजेदेखि छुट्ने बस सेवाले अयोध्या जाने यात्रुलाई पनि सेवा दिने बताए ।
प्रतिक्रिया