काठमाडौं । महानगरीय ट्राफिक प्रहरी महाशाखा रामशाहपथ (बग्गीखाना)का दुई जनालाई कोरोना संक्रमण पुष्टि भएपछि एसएसपी भिमप्रसाद ढकालसहित ३७५ जनालाई क्वारेन्टिनमा राखिएको छ ।
कोरोना पुष्टि भएकाहरुको सम्पर्कमा आएकाहरुलाई आउ–जाउ गर्न बन्द गरिएको उनले बनाए । आफूले पनि अरुसँग भेटघाट बन्द गरेको एसएसपी ढकालले बताए ।
महाशाखा मातहत ट्राफिक प्रहरीको जनशक्ति १५ सय ४५ जना छ । ३७५ जना क्वारेन्टिनमा गएपछि १ हजार १ सय ७० जना जनशक्ति ट्राफिक व्यवस्थापनका लागि खटाइएको छ ।
क्वारेन्टीनमै बसेपनि ट्राफिक व्यवस्थापनमा भने कुनै कमी नभएको उनले बताए । महाशाखाको मातहतमा १५ सय ४५ जना कार्यरत छन् ।
प्रतिक्रिया