काठमाडौं । पछिल्लो २४ घण्टामा विश्वभर ६ लाख ६७ हजार २३६ जना कोरोना भाइरसका नयाँ संक्रमित थपिएका छन । सोही अवधिमा १३ हजार चार जनाको मृत्यु भएको छ ।
पछिल्लो तथ्यांक अनुसार विश्वमा कोरोना संक्रमितको संख्या आठ करोड ६८ लाख तीन हजार २८८ र मृत्यु हुनेको संख्या १८ लाख ७४ हजार ३०७ पुगेको छ ।
पछिल्लो २४ घण्टाभित्र थपिएका संक्रमितमध्ये अमेरिकामा सबैभन्दा बढी दुई लाख २१ हजार ८५१ जना रहेका छन । सोही अवधिमा त्यहाँ कोरोना भाइरसका कारण तीन हजार ४६१ जनाको मृत्यु भएको छ ।
भारतमा पछिल्लो २४ घण्टाभित्र १७ हजार ९०८ जना नयाँ संक्रमित थपिएका छन । त्यहाँ थप २६५ जनाका कोरोनाका कारण मृत्यु भएको छ ।
वर्ल्डोमिटर्सको तथ्यांकअनुसार गत २४ घण्टाभित्र बेलायतमा ५७ हजार ४४७, इटलीमा १५ हजार ३७८, ब्राजिलमा ५७ हजार ४४७, जर्मनीमा आठ हजार ७०, रसियामा २४ हजार २४६, फ्रान्समा २० हजार ४८९, कोलम्बियामा १६ हजार ८३५ तथा इरानमा ६ हजार ११३ जना नयाँ संक्रमित थपिएका छन ।
प्रतिक्रिया