काठमाडौं । त्रिभुवन विश्वविद्यालयको रजिष्टारमा प्राडा केदार रिजाल र रेक्टरमा प्राडा खड्क केसी नियुक्त भएका छन् ।
त्रिविका कुलपति प्रधानमन्त्री पुष्पकमल दाहाल प्रचण्डले यी दुई पदमा नियुक्ति गरेका हुन् । उपकुलपति प्राडा केशरजंग बरालले प्रधानमन्त्रीसमक्ष यी नाम सिफारिस गरेका थिए ।
नवनियुक्त रजिष्ट्रार रिजाल वातावरण विज्ञान विभागका प्राध्यापक हुन् । यस्तै रेक्टर केसी त्रिविको अन्तर्राष्ट्रिय सम्बन्ध तथा कूटनीतिक विभागका प्रमुख हुन् ।
त्रिवि ऐनमा रेक्टर र रजिष्ट्रार पदमा उपकुलपतिले सिफारिस गर्ने व्यवस्था रहेको छ । तर, राजनीतिक नियुक्तिका लागि निरन्तर दबाब बढेपछि नियुक्ति प्रक्रियामा ढिलाई भएको थियो । अन्त्यमा उपकुलपतिले सिफारिस गरेका व्यक्तिहरु नै रजिष्टार र रेक्टर नियुक्त भएका छन् ।
प्रतिक्रिया