काठमाडौं । नेपालमा कोरोना भाइरसको संक्रमणबाट मृत्यु हुनेको संख्या १०० पुगेको छ ।
धनुषामा बिहीबार मृत्यु भएका एक व्यक्तिमा कोरोना संक्रमण पुष्टि भएसँगै मृत्यु तीन अंकमा पुगेको हो ।
पछिल्लो पटक मृत्यु हुनेमा धनुषाको जनकनन्दनी गाउँपालिका वडा नम्बर-४ का ५० वर्षीय पुरुष छन् ।
स्वास्थ्यमा गम्भिर समस्या आएपछि जनकपुर प्रादेशिक अस्पतालबाट काठमाडौं रेफर गर्दागर्दै उनको मृत्यु भएको प्रदेशको सामाजिक विकास मन्त्रालयले वनाएको छ ।
श्वास प्रश्वासमा समस्या देखिएका ती पुरुषलाई उपचारका लागि प्रादेशिक अस्पताल पुर्याइएको थियो ।
यसअघि, शुक्रबार थप थप चार जनाको मृत्यु भएको रिपोर्ट स्वास्थ्य तथा जनसंख्या मन्त्रालयले सार्वजनिक गरेको थियो ।
प्रतिक्रिया