नेपालगन्ज । संघीय सरकारका पूर्वमन्त्री एवं एमाले बाँकेका नेता स्वर्गीय दिनेश यादवको छोरा भारतमा मृत फेला परेका छन् । यादवका माहिला छोरा धनन्जय यादवको आज भारत श्राबस्तीको राप्ती बगरमा शव फेला परेको छ ।
नेपाली नागरिकता परित्याग गरेर श्राबस्तीको भेनगा बजारमा बसोबास गर्दै आएका धनन्जयलाई गत भाद्र ५ गते अपहरण गरिएको र आज मध्यान्ह भारतकै राप्ती तटमा शव फेला परेको एमाले लुम्बिनी प्रदेश परिषद सदस्य पदमबहादुर धितालले जानकारी दिए । उनले भारतीय स्थानीय निकायमा सरपञ्च पदमा निर्वाचित धनन्जयलाई ५ गते राती ८ बजे उनकै घरबाट अपहरण गरेर लगिएको धितालले बताए ।
धितालले सामाजिक सञ्जालमा अपहरणमा संलग्न अपराधीको पत्ता लगाई कडा काराबाही गर्न पनि माग गरेका छन् । भारतीय भुमिमा घटना भएको हुन सक्ने भन्दै बाँके प्रहरीले भने घटनाका बिषयमा अनबिज्ञता प्रकट गरेको छ ।
प्रतिक्रिया