नेपालगन्ज । बाँकेमा कोरोना मुक्त भएर घर फर्कनेहरुको संख्या आज पनि थपिएको छ । जिल्लाका बिभिन्न आइसोलुन केन्द्रमा बसेर उपचार गराईरहेका ४६ जना संक्रमतिहरु आज कोरोना मुक्त भएर घर फर्केका छन् ।
स्वास्थ्य कार्यालय बाँकेका कोरोना फोकलपर्शन नरेश श्रेष्ठका अनुसार वडा प्रहरी कार्यालय नेपालगन्जका ३३ जना प्रहरी सहित ४६ जना आज कोरोना मुक्त भएर घर फर्केका छन् । ३३ प्रहरी वडा प्रहरी कार्यालयकै आइसोलेसनमा बसेका थिए । आज घर फर्कनेहरुमा खुल्ला कारागार आइसोलेसनबाट ३ जना, लायन्स डेन्टल अस्पताल आइसोलेसनबाट १ जना, आदर्श नगर आइसोलेसनबाट १ जना, ईन्द्रेणी होटलबाट १ जना, होटल सिटि प्लाजाबाट ४ जना, चिसापानी आइसोलेसनबाट १ जना, क्यान्सर अस्पताल खजुराबाट १ जना र भेरी अस्पतालबाट १ जना रहेका छन् ।
बाँकेमा ८२१ जनामा कोरोना संक्रमण पुष्टि भएकोमा ६१४ जना कोरो मुक्त भएर घर फर्केका छन् । आइसेलेसमा अन्य जिल्लाका ४ जना सहित २०३ जनाको उपचार जारी छ भने बाँकेमा ४ जनाको कोरोना संत्रमणबाट मृत्यु भएको छ ।
प्रतिक्रिया