काठमाडौं । काठमाडौं उपत्यकामा गत भाद्र ४ गतेदेखि निषेधाज्ञा लागि रहेको छ । कोरोना भाइरसको संक्रमण समुदायस्तरमा फैलियो भनेर निषेधाज्ञा लगाइएको छ । तर, भाइरसका संक्रमितहरु निरन्तर बढिरहेका छन् ।
मंगलबार काठमाडौं उपत्यकामा भाइरसका २३२ जना नयाँ संक्रमित थपिएका छन् । काठमाडौंमा मात्रै १९९ जना संक्रमित थपिएका छन् ।
काठमाडौंको तुलनामा ललितपुर र भक्तपुरमा संक्रमितहरु थोरै भएपनि ती जिल्लामा पनि संक्रमणको दर भने बढिरहेको छ ।
ललितपुरमा १९ जना र भक्तपुरमा १४ जना संक्रमित थपिएका छन् ।
निषेधाज्ञाको बीचमा कन्ट्याक्ट ट्रेसिङ बढाएको भन्दै नगरपालिका फोरमले थप एकसाता निषेधाज्ञा बढाउन आग्रह गरेका छन् ।
काठमाडौं उपत्यकाका जिल्ला प्रशासन कार्यालयहरुले मंगलबार नै निषेधाज्ञा थप गर्नका लागि निर्णय समेत गर्दैछन् ।
प्रतिक्रिया