सिद्धबाबा सुरुङ ‘ब्रेकथ्रु’ र बुटवल-गोरुसिङ्गे सडक शिलन्यासमा प्रधानमन्त्री अनुपस्थित हुने

काठमाडौं । सिद्धबाबा सुरुङको ब्रेक थ्रु र बुटवल गोरुसिङ्गे सडकको सिलन्यास कार्यक्रममा प्रधानमन्त्री केपी शर्मा ओली अनुपस्थित हुनेभएका छन् ।

प्रधानमन्त्री ओलीलाई चिकित्सकहरूले निवासमै आराम गर्न सुझाव दिएपछि उनी पाल्पा र रुपन्देहीमा आयोजना हुन लागेका महत्वपूर्ण विकास पूर्वाधारका कार्यक्रममा अनुपस्थित हुनेभएका हुन् । ओली मंगलबार बेलुकीदेखि अस्वस्थ छन्। उनको स्वर दबिएको सचिवालयले जनाएको छ।

ओलीले अब बालुवाटारबाटै भर्चुअल रुपमा ती दुई परियोजनामा सहभागिता जनाउनेछन् । यी कार्यक्रममा भाग लिन उपप्रधानमन्त्रीद्वय प्रकाशमान सिंह र विष्णु पौडेल पाल्पा पुगिसकेका छन् ।

यसअघि प्रधानमन्त्रीको सचिवालयले आजका लागि कार्यक्रम सार्वजनिक गरेको थियो ।