बाँकेमा संक्रमित थपिने र डिस्चार्ज हुनेको संख्या बराबरीमा

नेपालगन्ज । बाँकेमा कोरोनाको ग्राफ बढेसँगै कोरोना मुक्त हरनेको संख्या पनि बढ्दै गएको छ । शनिबार डिस्चार्ज हुने संक्रमण मुक्तहरुको संख्या सहित जिल्लामा सात सय बढी जिल्लाबासीले कोरोना भाइरसलाई पराजित गर्दै घर फर्केका छन् ।

शनिबार मात्र होटल न्यू इन्द्रेणी, नेपालगन्ज मेडिकल कलेज चिसापानी आइसोलेसन सेन्टर, आदर्शनगर आइसोलेसन, होटल सिटी प्यालेस, खजुरा क्यान्सर अस्पताल आइसोलेसनबाट १० जना डिस्चार्ज भएका छन् । ती अधिकांश नेपालगन्जका हुन् । डिस्चार्ज हुनेमा अख्तियार दुरुपयोग अनुसन्धानका कर्मचारी देखि मेडिकल कलेजका नर्सिङ स्टाफ पनि छन् ।

जिल्लामा कूल कोरोना संक्रमित ९ सय ७५ जना रहेकोमा कोरोनाबाट शनिबारसम्म ७ सय ३ जना डिस्चार्ज भएको जिल्ला स्वास्थ्य कार्यालय बाँकेका कोरोना फोकल पर्सन नरेशबाबु श्रेष्ठले बताए । बिभिन्न आइसोलेसन केन्द्र तथा अस्पतालहरुमा अब २ सय ६६ जनाले उपचार गराईरहेका छन् । कोरोनाबाट बाँके जिल्लामा अहिलेसम्म ६ जनाको ज्यान गएको छ ।