बुटवलको सुख्खानगरबाट १० किलो गाँजा सहित १ जना पक्राउ

बुटवल । रुपन्देही प्रहरीले बुटवलको सुख्खानगरबाट १० किलो लागु औषध गाँजा सहित १ जनालाई पक्राउ गरेको छ । पक्राउ पर्नेमा पाल्पा रम्भा गाउँपालिका वडा नं. ३ हुमिन स्थायी घर भएका ३५ वर्षिय गणेश कुँवर मगर रहेका छन् ।

सुख्खानगर धर्मपथमा लागुऔषध गाँजाको कारोबार हुँदै गरेको गोप्य सुचनाको आधारमा रुपन्देही प्रहरीको लागुऔषध नियन्त्रण ब्यूरो शाखा कार्यालय भैरहवा र वडा प्रहरी कार्यालय बुटवल रुपन्देहीबाट खटिएको प्रहरी टोलीले गाँजा सहित कुँवरलाई पक्राउ गरेको हो ।

पक्राउ परेका कुँवरको शरिर तथा उनी सुत्ने कोठा रितपुर्वक खानतलासी गर्दा लोवेड भित्र रातो जेव्रा झोला भित्र
निलो प्लाष्टिकमा खुल्ला तथा सानो पोका बनाई राखेको गाँजा एकै ठाउँमा मिसाई तौल गर्दा प्लाष्टिक बाहेक १० केजी र सोही गाजाँ बिक्री वितरण प्रयोजनका लागी राखिएको हाते काँटा (तराजु) बरामद भएको प्रहरप्ले जनाएको छ ।

प्रहरीका अनुसार पक्राउ परेका कुँवरलाई लागुऔषध गाँजा कसूरमा इलाका प्रहरी कार्यालय बुटवल रुपन्देहीबाट थप अनुसन्धानको कार्य भइरहेको छ ।