काठमाडौं । नेकपा (माओवादी केन्द्र)का अध्यक्ष पुष्पकमल दाहाल प्रचण्डले तीनकुनेमा राजावादीहरुले अराजकता फैलाउन प्रयास गरेको बताएका छन् ।
शुक्रबार भृकुटीमण्डमा आयोजित समाजवादी मोर्चाको जनसभालाई सम्बोधन गर्दै प्रचण्डले वातावरणलाई धमिल्याउन चाहने मण्डलेहरुले उत्तेजित र आतंकित पार्ने मनासाय देखाएको बताएका हुन् ।
‘तीनकुनेमा मण्डले अराजकताको पराकाष्ठा भएको छ । त्यो सबै निरंकुशतावादीको प्रतीक भएको छ । घरमा आगो लगाएका छन्, पुलिसमाथि ढुंगा हानेका छन् । उनीहरुले मान्छे मरोस् भन्ने चाहेका छन् ।’, प्रचण्डले भने ।
अध्यक्ष प्रचण्डले पूर्वराजा ज्ञानेन्द्र शाहलाई अर्को गल्ती नगर्न चेतावनी समेत दिए । उनले भने, ‘विगतमा उनले धेरै गल्ती गरे,’ प्रचण्डले भने, ‘त्यो गल्तीको परिणाम भोगिरहेकै छन् । अब अर्को गल्ती गरे भने उनले भोग्न बाँकी केही रहँदैन । खबरदार ।’
प्रतिक्रिया