काठमाडौं । एक हातमा क्यामरा, प्रेसको ज्याकेट र हातमा ढुंगा बोकेर ललितपरमा प्रहरीलाई ढुंगा प्रहार गर्ने युवक सहित ट्राफिक प्रहरीलाई कुटपिटमा संलग्नहरु मध्य केहिलाई प्रहरीले पक्राउ गरेको छ ।
प्रहरीले बिहीवार दिउँसो पुल्चोकमा पत्रकारको ज्याकेट लगााएर प्रहरीमाथि ढुंगा हान्ने एक युवक सहित एक्लो ट्राफिक प्रहरीलाई निर्ममताका साथ कुट्ने कार्यमा संलग्न मध्य १४ जनालाई पक्राउ गरेको दाबी गरेको छ ।
महानगरीय अपराध महाशाखाको टोलीले शुक्रवार ललितपुरको महालक्ष्मी नगरपालिका बस्ने २२ वर्षीय प्रेस ज्याकेटवाला अनिश महर्जनलाई नियन्त्रणमा लिएको हो। हातमा क्यामरा र प्रेस लेखेको ज्याकेट लगाएर प्रहरी माथि ढुंगा हानेको भिडियो समाजिक संञ्जालमा भाइरल भएसंगै प्रहरीले खोजि गर्न थालेको थियो ।
पक्राउ परेका महर्जन युट्यवर मात्र भएको र कुनै मिडीयासंग संलग्न नरहेको उपत्यका अपराध महाशाखामा बरिष्ठ प्रहरी उपरिक्षक एसएसपी दीपक थापाले बताए ।
बिहीवार ती युवकले पुल्चोकमा मछिन्द्रनाथको रथ तान्ने क्रममा स्थानीय र प्रहरीबीच झडप हुँदा प्रेस ज्याकेट लगाएर हातमा क्यामेरा बोक्दै प्रहरी माथि ढुङ्गा हानेको दृष्य सञ्चारमाध्यमहरु सहित अन्य युट्यवरहरुले भाइरल बनाएका थिए ।
युवकलाई थप कारबाहीको लागि महानगरीय प्रहरी परिसर ललितपुर पठाइसकेको एसएसपी थापाले जानकारी दिए। बिहीवार पुल्चोकमा ट्राफिक प्रहरीलाई कुटपिट र ढुङ्गा हान्ने मध्यका १४ जनालाई पक्राउ गरिसकेको जनाएको छ ।
प्रतिक्रिया