गोरखा । गोरखा अस्पतालमा उपचारको क्रममा शनिबार मृत्यु भएकी एक जना वृद्धामा कोरोना संक्रमण पुष्टि भएको छ ।
शनिबार मृत्यु भएकी गोरखा नगरपालिका–७ की ७५ वर्षीया वृद्धामा मृत्यु पछि आएको रिपोर्टमा कोरोना संक्रमण पुष्टि भएको हो ।
मृतक वृद्धाको एकाघरका तीन सदस्यमा कोरोना देखिएपछि प्रत्येक्ष सम्पर्कका आधारमा उनको पनि स्वाव संकलन गरेर जनस्वास्थ्य प्रयोगशाला पोखरा पठाइएको थियो ।
रिपोर्ट नआउंदै अचेत बनेकी वृद्धालाई शनिबार अस्पताल लगिएको थियो । अस्पताल पुगेको केहिबेरमा नै उनको मृत्यु भएको अस्पतालले जनाएको छ ।
ती वृद्धाको ब्रेन ह्यामरेज भएर दुई हप्ताअघि भरतपुर अस्पतालमा उपचार गर्न लगिएको तथा ब्रेनमा धेरै रगत जमेको रिपोर्टमा देखिएको गोरखा अस्पतालका प्रवक्ता कृष्ण ढकालले बताए ।
जिल्ला प्रशासनले मृतकको शव व्यवस्थापनको तयारी गरिरहेको छ ।
प्रतिक्रिया