काठमाडौं । गृहमन्त्री रमेश लेखकले पदबाट राजीनामा दिने भएका छन्।
सोमबार साँझ नेपाली कांग्रेसका सभापति शेरबहादुर देउवा निवासमा बसेको पदाधिकारी तथा पूर्वपदाधिकारीहरूको बैठकमा लेखकले अब आफू पदमा नबस्ने बताएका हुन् ।
बैठकमा उनले सोमबारको प्रदर्शनमा ठूलो जनधनको क्षति भएपछि उनले नैतिक जिम्मेवारी लिने बताएका थिए।
‘आजको प्रदर्शनमा गम्भीर मानवीय क्षति भएको छ। यसको नैतिक जिम्मेवारी मैले लिनैपर्छ। त्यसैले म पदमा रहन्नँ,’ लेखकको भनाइ उद्धृत गर्दै पदाधिकारीले जानकारी दिए।
यसअघि बैठकमा सहभागी नेताहरूले घटनाप्रति जिम्मेवारी लिँदै गृहमन्त्री लेखकले राजीनामा दिनुपर्ने माग राखेका थिए।
बैठकमा सभापति देउवाले प्रधानमन्त्री केपी शर्मा ओलीलाई फोन गरेर आजैबाट सामाजिक सञ्जालमाथि लगाएको प्रतिबन्ध हटाउन भनेका थिए ।
प्रतिक्रिया