पाल्पा । पाल्पामा थप एक कोरोना संक्रमितको मृत्यु भएको छ ।
लुम्बिनी मेडिकल कलेज पाल्पाको आईशोलेसनमा कोरोना संक्रमित थप एम महिलाको मृत्यु भएको हो ।
तानसेन नगरपालिका-१४ की ४२ वर्षीय महिलाको कोरोना संक्रमणको कारण मृत्यु भएको स्वास्थ्य कार्यालय पाल्पाका सूचना अधिकारी ओम प्रकाश पन्थीले बताए ।
शुक्रबार राती ११ः४५ बजे निमोनियाको समस्या रहेकी महिलाको मृत्यु भएको सूचना अधिकारी पन्थीले बताए । ‘मृतक महिलाको स्वास्थ्यमा समस्या देखिएपछि उपचारका लागि लुम्बिनी मेडिकल कलेज प्रभासमा भदौ ३० गते भर्ना भएकी थिईन ।
उनको स्वाव परिक्षण गर्दा रिपोर्ट पोजेटिभ आएको थियो । दुई दिन घरको आईशोलेसन गएर बस्दा समस्या देखिएर हिजो ९शुक्रबार० पूनः लुम्बिनी मेडिकलको आईशोलेसनमा आएको र राती नै मृत्यु भएको पन्थीले बताए ।
योसंगै कोरोनाबाट पाल्पामा मृत्यु हुनेको संख्या ४ पुगेको छ ।
प्रतिक्रिया