काठमाडौं । नेपाल कम्युनिष्ट पार्टी नेकपाभित्र मन्त्रिपरिषद् पुनर्गठनबारे औपचारिक छलफल सुरु भएको छ ।
आज बसेको नेकपा सचिवाल बैठकमा मन्त्रिपरिषद् पुनर्गठनबारे औपचारिक छलफल सुरु भएको हो ।
पेरिसडाँडामा पहिलोपटक बसेको बैठकमा मन्त्रिपरिषद् पुनर्गठनका बारेमा नीतिगत छलफल सुरु भएको प्रवक्ता नारायणकाजी श्रेष्ठले जानकारी दिए ।
बैठकबारे जानकारी दिँदै प्रवक्ता श्रेष्ठले भने, ‘बैठकमा चारवटा एजेण्डामध्ये आज मन्त्रिपरिषद् पुनर्गठनको नीतिगत छलफल मात्रै सुरु भएको छ ।’, आज व्यक्तिका विषयमा कुनै छलफल नभएको पनि उनले जानकारी दिए । उनले भने, ‘बैठकमा पनर्गठनका बारेमा विभिन्न कोणबाट सुझाव दिइएको छ, व्यक्तिहरुका नामका बारेमा भने आज हामी प्रवेश गरेका छैर्नौँ।’
स्थायी कमिटीको निर्णय अनुसार नै मन्त्रिपरिषद् पुनर्गठन गर्नेगरी छलफल भएको प्रवक्ता श्रेष्ठले बताए ।
सचिवालय बैठकमा चार वटा एजेण्डामा मन्त्रिपरिषद् पुनर्गठन बाहेक संवैधानिक निकायमा नियुक्ति, पार्टीको सांगठनिक एकताका बाँकी काम पुरा र विविध रहेका छन् ।
बैठक भोलि दिउँसो १ बजेबस्नेगरी स्थगित भएको प्रवक्ता श्रेष्ठले जनाकारी दिए ।
प्रतिक्रिया