काठमाडौं । नेपाली कम्युनिस्ट पार्टीका नेता नारायणकाजी श्रेष्ठले सर्लाही-३ बाट उम्मेदवार बन्ने बताएका छन्।
नेता श्रेष्ठले आगामी फागुन २१ गते हुँदै गरेको प्रतिनिधिसभा निर्वाचनका लागि नेकपाबाट आफू सर्लाही ३ बाट उम्मेदवार बन्न लागेको बताए ।
राष्ट्रियसभाका सदस्य रहेका नेता श्रेष्ठसहित राष्ट्रियसभाका १९ सांसदको कार्यकाल आगामी फागुन २० गते सकिँदैछ।
नेकपाले सर्लाही-३ बाट श्रेष्ठसँगै अच्युतम काफ्ले, रामेश्वर राय यादव, नरेन्द्र साह, राजकुमार यादव, सञ्जय गुप्ता, विश्वनाथ सिंह लगायतलाई पनि उम्मेदवार सिफारिस गरेको थियो।
हरिवन र बागमनी नगरपालिकासहितको भूगोल पर्ने सर्लाही-३ मा पर्ने स्थानीय तहको निर्वाचनमा यी दुवै पालिकामा माओवादी उम्मेदवार विजयी भएका थिए।
नेता श्रेष्ठलाई नेकपाले ललितपुर क्षेत्र नम्बर-३ बाट उम्मेद्वारका लागि नेकपाको जिल्लाबाट एकल सिफारिस गरेको छ।
प्रतिक्रिया