काठमाडौं । काठमाडौं क्षेत्र नं. ५ मा नेपाली कम्युनिष्ट पार्टी (नेकपा)का उम्मेदवार कल्पना शर्माले उम्मेदवारी दर्ता गरेकी छिन् ।
बसुन्धरास्थित टोखा नगरपालिकाको ५ नं. वडा कार्यालयमा रहेको निर्वाचन कार्यालयमा नेकपाका नेता समर्थकहरुसहित पुगेर शर्माले आफ्नो उम्मेदवारी दर्ता गराएकी हुन् । शर्माको प्रस्तावकमा विनोद केसी रहेका छन् भने समर्थकमा सुशान्त डंगोल रहेका छन् ।
उम्मेदवारी दर्ता गराएपछि संचारकर्मीसँग कुरा गर्दै शर्माले काठमाडौंका देशमा भएका परिवर्तनलाई सस्थागत गर्ने र मुख्य रुपमा जेन्जि युवाहरुले उठाएको भष्ट्राचारमुक्त एवम् सुशासनयुक्त राष्ट्र निर्माणको अभियानमा दृढतापुर्वक उभिने अठोट व्यक्त गरिन् । उनले युवाहरुलाई स्वदेश फर्कने वातावरण तयार गरि देशमा नै रोजगारिका अवसरहरुको सृजना गर्नको लागि काम गर्ने प्रतिबद्दता जनाइन ।
काठमाडौं क्षेत्र नं. ५ मा यसअघि नेकपा एमालेका ईश्वर पोखरेल र नेपाली कांग्रेसका प्रदीप पौडेल विजयी भएका थिए । तर, हेविवेट नेताहरु क्षेत्रबाट विजयी भएपनि यस क्षेत्रको विकासमा खासै ध्यान पुर्याउन नसकेको भन्दै नेकपा उम्मेदवार शर्माले आफु विजयी भए यस राष्ट्रिय मुद्दालाई सम्बोधन गर्दैगर्दा क्षेत्रको मुद्दामा विशेष ध्यान दिने प्रतिवद्धता जनाइन ।
शर्माले तारा चिन्हमा मतदान गरी विजयी गराउन अनुरोध गरेकी छिन् ।
प्रतिक्रिया