१६ चैत्र २०८०, शुक्रबार | March 29, 2024

एसिड छ्याप्ने अपराधीलाई कठोर सजायँसहितको अध्यादेश पारित, आजै राष्ट्रपतिले जारी गर्ने



काठमाडौं । एसिड छ्यापेर अर्को व्यक्तिलाई क्षति पुर्याउने आपराधिक मानसिकतालाई नियन्त्रण गर्न सरकारले कडा सजायँ व्यवस्थासहितको अध्यादेश ल्याएको छ ।

मन्त्रिपरिषद्ले जारी गरेको अध्यादेशअनुसार एसिड छ्यापेर कसैको मृत्यु भएमा एसिड छ्याप्ने व्यक्तिलाई जन्मकैद हुनेछ । यस्तै, कसैले एसिड छ्यापेर कसैलाई घाइते वा शरीरमा क्षति पुऱ्याए २० वर्ष कैद सजाय हुने व्यवस्था गरेको छ ।

एसिडको दुरुपयोग र यसबाट हुने अपराधसम्बन्धी छुट्टै अध्यादेश पारित गर्दै मन्त्रिपरिषद्ले २० वर्षसम्म कैद र १० लाख क्षतिपूर्ति भराउने गरी अध्यादेश पारित गरेको हो । एसिड छ्यापेर कसैको मृत्यु भएमा जन्मकैद हुनेछ ।

अब एसिड आक्रमणबाट भाइते घाइते बनाए, अंगभंग वा शरीरका कुनै अंगमा क्षति पुऱ्याए आक्रमणकारीलाई २० वर्ष कैद र १० लाख क्षतिपूर्ति भराइनेछ ।

सरकारले ल्याएको अध्यादेश शुक्रबार नै राष्ट्रपतिबाट जारी भै राजपत्रमा प्रकाशित हुने कानुन, न्याय तथा संसदीय मामिलामन्त्री शिवमाया तुङ्बाहाम्फेले बताएकी छिन् ।

‘एसिड अपराधविरुद्ध कठोर कानुनी व्यवस्थासहितको अध्यादेश बिहीबार मन्त्रिपरिषद् बैठकले पारित गरेको थियो ।

यो पनि पढ्नुहोस : एसिड प्रहार गर्ने अपराधीको सम्पत्ति रोक्काका लागि नयाँ कानुन ल्याउन प्रधानमन्त्रीको निर्देशन 

नयाँ कानुनअनुसार एसिड अपराधमा संलग्नलाई कसुरको नेगेटिभ सूचीमा राखेर सजाय माफी मिनाहा नहुने व्यवस्था गरिएको छ ।

मुलुकी अपराध संहिता–२०७४ अनुसार एसिड प्रहारबाट कसैको मृत्यु भएमा जन्मकैद र घाइते, अंगभंग भए अधिकतम ८ वर्षसम्म कैद सजाय हुने व्यवस्था छ । ज्यान मार्ने उद्योगमा अधिकतम १० वर्षसम्म कैद सजाय हुने व्यवस्था छ ।

यी दुवै कानुनी प्रावधान कमजोर भएकै कारण सरकारले अध्यादेशमार्फत् एसिडसम्बन्धी छुट्टै कानुन बनाउन लागेको हो ।

केही दिन अघि प्रधानमन्त्री केपी शर्मा ओलीले गत भदौ २५ गते एसिड आक्रमणबाट पीडित र भएकाहरुसँग भेट्दै यस्तो अपराधविरुद्ध कठोर कानुन ल्याउने प्रतिवद्धता जनाएका थिए ।

 

 

प्रकाशित मिति : ९ आश्विन २०७७, शुक्रबार  ३ : ३१ बजे

तिब्बतमा सीमा क्षेत्रका बासिन्दाले भोग्नुपरेका समस्या समाधान गर्न उपप्रधानमन्त्री श्रेष्ठको आग्रह

ल्हासा । उपप्रधान एवं परराष्ट्रमन्त्री नारायणकाजी श्रेष्ठले नेपाल– चीन सीमा

चैत २३ र २४ गते लुम्बिनीमा अन्तर्राष्ट्रिय शान्ति मेला

काठमाडौं । विश्व सम्पदा सूचीमा सूचीकृत लुम्बिनीको पर्यटन प्रवर्द्धनका लागि

लुम्बिनीका होटल व्यवसायी आन्दोलित

भैरहवा । पटक पटक अन्दोलित बनेका लुम्बिनी क्षेत्रका होटल व्यवसायी

लगानी सम्मेलनमा प्रदेशका आयोजनाको पनि स्टल राखिने

काठमाडौं । आगामी वैशाखमा हुने तेश्रो लगानी सम्मेलनका क्रममा प्रदेशस्तरीय

खुमबहादुर खड्कालाई भ्रष्टाचारको झुठ्ठो मुद्दामा फसाइयो, उनको योगदान अतुलनीय छ : सभापति देउवा

दाङ । नेपाली कांग्रेसका सभापति शेरबहादुर देउवाले कांग्रेस नेता खुमबहादुर