२४ घण्टामा ८ जना कोरोना संक्रमितको मृत्यु

काठमाडौं । पछिल्लो २४ घण्टामा देशभर आठ जना कोरोना संक्रमितको मृत्यु भएको छ ।

स्वास्थ्य तथा जनसंख्या मन्त्रालयले शनिबार अपरान्ह जारी गरेको पछिल्लो कोरोना अपडेट अनुसार आठ जनाको मृत्यु भएको छ । मृत्यु हुनेमध्ये सबै पुरुष मात्र रहेका छन् ।

काठमाडौंमा २० र ७४ वर्षका दुई जना व्यक्तिको मृत्यु भएको छ । यसैगरी सप्तरीका ६३ वर्षीय, भक्तपुरका ८८ वर्षीय, मकवानपुरका ७४ वर्षीय, ललितपुरका ७६ वर्षीय पुरुषको पनि मृत्यु भएको छ ।

यस्तै रुपन्देहीका ७२ वर्षीय र कैलालीका ३० वर्षीय पुरुषको मृत्यु भएको छ ।

आजसम्म मृत्यु हुनेको संख्या ४६७ पुगेको छ । यो मृत्युदर कुल संक्रमितको ० दशमलव ६५ प्रतिशत रहेको मन्त्रालयले जनाएको छ ।