नेपालगन्ज । बाँके प्रहरीले प्रतिबन्धित लागु औषध ब्राउन सुगर सहित २ जनालाई नियन्त्रणमा लिएको छ ।
बाँके जिल्ला अन्तर्गत नेपालगन्ज उपमहानगरपालिका १२ बेलासपुरबाट ४ ग्राम ५०० मिलिग्राम ब्राउन सुगर सहित नेपालगन्ज -४ का स्थानीय मोहम्मद जुनेड हलुवाई र बर्दिया बढैयाताल गाँउपालिका – ३ की सपना पुनलाई प्रहरीले पक्राउ गरेको हो । उनीहरुको साथबाट प्लाष्टिकको ६ वटा पुडिया बनाई राखेको ४ ग्राम५०० मि.ग्रा. लागू औषध (ब्राउन सुगर) फेला परेको प्रहरीले जनाएको छ ।
पक्राउ परेकाहरुलाई लागु औषध ऐन अनुसार कारवाहीकालागि अनुसन्धान भईरहेको जिल्ला प्रहरी कार्यालय बाँकेका प्रवक्ता सुवास खड्काले बताए ।
प्रतिक्रिया