बुटवल । रुपन्देहीमा बुधबार साँझ मृत्यु भएका एक जनामा कोरोना संक्रमण पुष्टि भएको छ । लुम्बिनी प्रादेशिक अस्पतालका अनुसार कोटहिमाई गाँउपालिकाका ४२ वर्षिय पुरुषको उपचारका क्रममा बुधबार साँझ मृत्यु भएकोमा बिहिबार उनको पीसीआर रिपोर्टमा कोरोना संक्रमण पुष्टि भएको छ ।
बुधबार मध्यान्ह १ बजे श्वासप्रश्वासको समस्या भएको भन्दै प्रादेशिक अस्पताल पुगेका उनको उपचारका क्रममा साँझ ६ बजे मृत्यु भएको थियो । कोरोनाको लक्षणसँग मिल्ने चिन्ह देखिएपछि पीसीआर परीक्षणकालागि उनको स्वाव संकलन गरिएको थियो । बिहिबार बिहान मृतकमा कोरोना पोजिटिभ रिपोर्ट आएको अस्पतालका प्रवक्ता डा. बिष्णु गौतमले बताए ।
रुपन्देहीमा २६ जना कोरोना संक्रमितको मृत्यु भईसकेको छ ।
प्रतिक्रिया