काठमाडौं । नेपाली कांग्रेसका नेता तथा पूर्वगृहमन्त्री रमेश लेखक नेपाल प्रहरीको नम्बर-२ सशस्त्र प्रहरी गणबाट रिहा भएका छन् । जिल्ला प्रहरी परिसर काठमाडौंका एसपी पवन भट्टराईका अनुसार लेखकलाई पत्नी यशोदा लेखकको जिम्मा लगाएर हाजिर जमानतमा रिहा गरिएको हो ।
अनुसन्धानका क्रममा आवश्यक पर्दा उपस्थित हुने सर्तमा उनलाई हिरासत मुक्त गरिएको प्रहरीले जनाएको छ । चैत १४ गतेदेखि गणमा राखिएका लेखक आज रिहा भएका हुन् ।
उनीसँगै पक्राउ परेका नेकपा एमालेका अध्यक्ष तथा पूर्वप्रधानमन्त्री केपी शर्मा ओलीलाई यसअघि नै रिहा गरिएको थियो ।
प्रतिक्रिया