बुटवल । रुपन्देही प्रहरीले बुटवलबाट ठुलो परिमाणमा हुक्काको भेप सहित १ जनालाई पक्राउ गरेको छ । विशेष सूचनाका आधारमा इलाका प्रहरी कार्यालय बुटवलबाट खटिएको टोलिले बुटवल उपमहानगरपालिका ११ कालिकानगरबाट ४३ लाख बढीको हुक्काको भेप सहित १ जनालाई पक्राउ गरेको हो ।
पक्राउ पर्नेमा बुटवल उपमहानगरपालिका ११ कालिका नगर बस्दै आएका ३५ वर्षिय पिङ्कु जयसवाल रहेका छन् । जयसवालले भाडामा लिएर भण्डारण गरेको गोदामबाट भेप सहित उनलाई पक्राउ गरिएको प्रहरीले जनाएको छ ।
बरामद भएको समानहरुमा हुक्काको भेप १५७ पिस, हुक्कामा प्रयोग हुने कोईला, ९ हजार ४२२ पिस, हुक्कामा प्रयोग हुने फ्लेवर ५५२ पिस, हुक्का सेट १९० पिस, हुक्का बेस ३३ पिस, हुक्काको एअर बलर ४५ पिस, हुक्काको पाईप ६०० पिस रहेको छ ।
त्यसैगरि प्रहरीले हुक्का प्लाउट १०० पिस, हुक्का चिलिम ७०० पिस र हुक्का हिटर २२ पिस पनि बरामद गरेको छ ।
पक्राउ परेका जयसवाललाई बरामद सामानसहित थप अनुसन्धान तथा कारवाहीका लागि भैरहवा भन्सार कार्यालयमा पठाइएको रुपन्देही प्रहरी प्रवक्ता डीएसपी कृष्णकुमार चन्दले बताए ।
प्रतिक्रिया