काठमाडौं । टर्कीको इस्तानबुलबाट २७८ यात्रु बोकेर काठमाडौं आएको टर्किस एयरलाइन्सको विमानमा ल्यान्डिङपछि आगो देखिएपछि केही समय अवरुद्ध भएको त्रिभुवन अन्तर्राष्ट्रिय विमानस्थल पुनः सञ्चालनमा आएको छ ।
जहाजलाई रनवेबाट हटाएपछि दुईघण्टादेखि रोकिएको उडान-अवतरण सुचारु भएको हो ।
विमान अवतरण गरेपछि धावनमार्गमा टर्न गर्ने क्रममा ल्यान्डिङ गियर क्षेत्रमा आगो देखिएको थियो । आगो देखिएलगत्तै विमानमा रहेका सबै यात्रुलाई आकस्मिक रूपमा सुरक्षित बाहिर निकालिएको थियो ।
विमानस्थल सुरक्षा कार्यालयका प्रहरी उपरीक्षक राजकुमार सिलवालका अनुसार चक्कामा लागेको आगो दमकलको सहायतामा निभाइएको थियो । विमानलाई रनवेमै रोकेर आपतकालीनद्वारबाट यात्रुहरुको उद्धार गरिएको थियो । आवश्यक प्रक्रिया पूरा भएपछि विमानस्थलको सेवा पुनः सुचारु गरिएको जनाइएको छ ।
प्रतिक्रिया