काठमाडौं । नेपाल धितोपत्र बोर्ड (सेबोन) को नयाँ अध्यक्षका लागि ४७ जना आवेदकमध्ये ४ जनालाई सर्टलिस्ट गरिएको छ । अध्यक्ष छनोट तथा सिफारिस समितिले प्रारम्भिक मूल्यांकनपछि नवराज अधिकारी, विनयदेव आचार्य, मुकुन्द कुमार क्षेत्री र डा. गोपालप्रसाद भट्टलाई अन्तिम चरणका लागि छनोट गरेको हो ।
समितिले सर्टलिस्टमा परेका उम्मेदवारहरूलाई आगामी शुक्रबार छलफलका लागि बोलाएको छ । उक्त छलफलपछि एकजनाको नाम अध्यक्ष पदका लागि मन्त्रिपरिषद्मा सिफारिस गरिनेछ ।
नेपाल धितोपत्र बोर्डका निवर्तमान अध्यक्ष सन्तोषनारायण श्रेष्ठले राजीनामा दिएपछि सरकारले अध्यक्ष चयन प्रक्रिया अघि बढाएको थियो। समितिले बैशाख १५ गते अध्यक्ष पदका लागि आवेदन आह्वान गरेको थियो ।
अब हुने छलफलपछि बोर्डले नयाँ नेतृत्व पाउने अन्तिम टुंगो लाग्नेछ ।
प्रतिक्रिया