नेपालगन्ज । बाँकेमा एकजना सशस्त्र प्रहरी हवल्दार झुण्डीएको अवस्थामा फेला परेका छन् ।
बीओपी सुरक्षा गुल्म नरैनापुरमा कार्यरत सशस्त्र प्रहरी हवलदार घनश्याम ढकाल आज बिहान ब्यारेकभित्रै पंखामा झुण्डिएको अवस्थामा फेला परेका हुन् ।
कैलाली घर भएका ढकाल बिहान ९ बजेतिर सबैजना सरसफाई गर्न बाहिर निस्केपनि बाहिर ननिसकेको र सरसफाईबाट फर्केका सशस्त्र प्रहरीका अन्य जवानहरुले उनलाई झुण्डीएको अवस्थामा फेला पारेका थिए ।
प्रारम्भीक अनुसन्धानमा ढकालले आत्महत्या गरेको अनुमान गरिएको बाँके प्रहरी प्रवक्ता डीएसपी प्रतितसिंह राठौरले जानकारी दिए । ढकालको शवलाई पोष्टमार्टमका लागि भेरी अस्पताल पठाइएको उनले जनाए । प्रहरीका अनुसार आत्महत्या गर्नुपर्ने कारण भने अझै खुल्न सकेको छैन । घरटना सम्बन्धमा प्रहरीले अनुसन्धान सुरु गरेको डीएसपी राठौरले बताए ।
प्रतिक्रिया