काठमाडौं । काठमाडौंको त्रिपुरेश्वरमा यात्रुवाहक बसमा आगलागी भएको छ।
सोमबार मध्याह्न त्रिपुरेश्वरस्थित राहदानी विभाग अगाडि, बस स्टप नजिकै ऋद्धिसिद्धि यातायातको बसमा आगलागी भएको हो।
आगलागीपछि बसमा लागेको आगो आसपासका विद्युत्का तारसम्म समेत पुगेको बताइएको छ। घटनाका कारण उक्त क्षेत्रमा केही समय त्रास र आवागमनमा समेत असर परेको छ।
काठमाडौं उपत्यका ट्राफिक प्रहरी कार्यालयका एसपी नरेशराज सुवेदीले बसमा आगलागी भएको पुष्टि गरेका छन्।
उनका अनुसार आगलागीको कारण र घटनाबाट भएको क्षतिको विस्तृत विवरण आउन बाँकी छ।
प्रतिक्रिया