काठमाडौं । कोरोना भाइरसका संक्रमित थपिने क्रम निरन्तर जारी छ । मंगलबार ३ हजार ९३ जना नयाँ संक्रमित थपिएका छन् ।
१३ हजार ८६१ पीसीआर परीक्षण गर्दा ३ हजार ९३ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।
मन्त्रालयका प्रवक्ता प्राडा जागेश्वर गौतमका अनुसार हालसम्म देशभर कुल संक्रमितको संख्या १ लाख ३९ हजार १३९ पुगेको छ ।
मंगलबार सक्रिय संक्रमिको संख्या ४१ हजार ७७५ पुगेको छ । संस्थागत आइसोलेसनमा १३ हजार ५५९ जना रहेका छन् भने होम आइसोलेसनमा २८ हजार १९६ जना बसेका छन् ।
दैनिक सयौंको संख्यामा संक्रमित थपिँदा सक्रिय संक्रमित राज्यको स्रोतले धान्नै नसक्ने अवस्थामा पुगेका छन् ।
२४ घण्टामा डिस्चार्ज हुनेको संख्या २ हजार १०८ रहेको प्रवक्ता डा. गौतमले जनाए । हालसम्म डिस्चार्ज हुनेको संख्या ९६ हजार ६०९ पुगेको छ ।
प्रतिक्रिया