चितवन । उल्लासमय रुपमा दशैं मनाउनुपर्ने बिशेष दिनमा पनि कोरोना भाइरसका कारण भएको मृत्युको खबर आउन छोडेको छैन ।
कोरोना संक्रमणबाट चितवनमा थप एक जनाको मृत्यु भएको छ । चितवन मेडिकल कलेजमा उपचाररच भरतपुर महानगरपालिका वडा नं. १ निवासी ७७ वर्षीय पुरुषको उपचारको क्रममा मृत्यु भएको अस्पतालले जनाएको छ ।
यही कात्तिक २ गते होम आइसोलेसनमा बसेका ती वृद्धलाई स्वासप्रश्वासमा समस्या आएपछि अस्पतालमा भर्ना गरिएको थियो ।
कोभिड आईसीयू कक्षमा भेन्टिलेटरमा राखेर उपचार गर्दा गर्दै कात्तिक १० गते राति १२ बजेर २९ मिनेटमा निधन भएको अस्पतालका निर्देशक डा. दयाराम लम्सालले जनाएका छन् ।
ती वृद्धलाई उच्च रक्तचाप, दम तथा मधुमेहको समस्या थियो ।
प्रतिक्रिया