चितवन मेडिकल कलेजमा भरतपुरकी अर्की एक महिलाको मृत्यु

चितवन । चितवन मेडिकल कलेजमा थप एक जनाको मृत्युभएको छ । यसँगै दशैंको दिन अस्पतालमा मृत्यु हुनेको संख्या दुई पुगेको छ ।

पछिल्लो मृत्यु भरतपुर महानगरपालिका वडा नं. १० की ६७ वर्षीया एक महिलाको भएको हो ।

स्वासप्रश्वासको समस्या भई यही कात्तिक ५ गते अस्प्तालमा भर्ना भएकी ती महिलालाई ६ गते कोरोना संक्रमण पुष्टि भएको थियो ।

उनको कोभिड आइसीयूमा भेन्टिलेटरमा राखेर उपचार गर्दागर्दा टीकाको दिन दिउँसो १ बजेर ४३ मिनेटमा मृत्यु भएको अस्प्तालका निर्देशक डा. दयाराम लम्सालले जनाएका छन् ।

मृगौलाको दीर्घरोगी रहेकी ती महिलालाई उच्चरक्तचाप र थाइराइससम्बन्धी समस्या रहेको थियो ।