काठमाडौं । बिहीबार कोरोना भाइरसका २ हजार ३६४ नयाँ संक्रमित थपिएका छन् ।
९७६९ जनाको पीसीआर परीक्षण गर्दा १३८० पुरुष र ९८४ महिला गरी २३६४ जनामा संक्रमण पुष्टि भएको मन्त्रालयले जनाएको छ।
मन्त्रालयले अपडेट गरेको पछिल्लो तथ्यांक अनुसार ३ हजार ३८ जना निको भएर घर फर्किएका छन् ।
मन्त्रालयका अनुसार बिहीबार थपिएकासँगै हालसम्म संक्रमितको हुनेको संख्या १ लाख ६४ हजार ७१८ पुगेको छ ।
संक्रमितमध्ये काठमाडौं उपत्यकाका मात्रै १६१५ जना रहेका छन् । स्वास्थ्य मन्त्रालयका अनुसार काठमाडौंमा १३३८, भक्तपुरमा ९७ र ललितपुरमा १८० जना संक्रमित थपिएका हुन।
बिहीबार सक्रिय संक्रमितको संख्या ३८ हजार ९५२ रहेको छ । संक्रमित हुने भन्दा निको हुनेको संख्या बढेका कारण सक्रिय संक्रमितको संख्या बिहीबार पनि घटेको छ ।
यसैगरी हालसम्म निको हुनेको संख्या १ लाख २४ हजार ८६२ पुगेको छ ।
पछिल्लो २४ घण्टामा १७ जना संक्रमितको ज्यान गएको छ । हालसम्म मृत्यु हुनेको संख्या ९०४ पुगको छ ।
प्रतिक्रिया