नेपालगन्ज । कोरोना भाईरस संक्रमण देखिएपछि उपचारका लागि कोहलपुर आएकी दाङकी एक महिलाको मृत्यु भएको छ ।
कोरोना संक्रमण पुष्टि भएपछि नेपालगन्ज मेडिकल कलेज शिक्षण अस्पताल कोहलपुरमा भर्ना भएकी घोराही उपमहानगरपालिका-१० की ६५ वर्षिय महिलाको उपचारकै क्रममा मंगलबार दिउँसो १:५० बजे मृत्यु भएको हो ।
जिल्ला कोभिड-१९ संकट ब्यवस्थापन केन्द्र बाँकेका अनुसार ति महिलालाई सोमबार बेलुका मेडिकल कलेजको कोरोना विशेष वार्डमा भर्ना गरीएको थियो । रोगको प्रकृति अनुसार एन्टिबायोटिक, अक्सिजन लगायत सबै प्रकारको आवश्यक सपोर्टिभ उपचार चलिरहेकै अवस्थामा ति महिलाको मृत्यु भएको बाँकेका कोरोना फोकल पर्सन नरेश श्रेष्ठले जानकारी दिए ।
जिल्ला प्रशासन कार्यालय बाँकेको पहलमा मृतकको शवलाई निजकै गृहजिल्लामा ब्यवस्थापन गर्ने तयारी भईरहेको श्रेष्ठले जानकारी दिए ।
श्रेष्ठका अनुसार जिल्ला बाहिरबाट उपचारकालागि बाँके आएर ज्यान गुमाउने संक्रमितको सँख्या २३ पुगेको छ ।
प्रतिक्रिया