काठमाडौं । सत्तारुढ नेपाल कम्युनिस्ट पार्टी (नेकपा)को विवाद थप पेचिलो बनेको छ ।
सचिवालय बैठक बोलाउने विषयमा अध्यक्षद्वय केपी शर्मा ओली र पुष्पकमल दाहाल प्रचण्डबीच सहमति नभएपछि प्रचण्डले अनौपचारिक बैठक बोलाएका छन् ।कार्यकारी अध्यक्षको हैसियतमा प्रचण्डले सचिवालयको अनौपचारिक बैठक बोलाएका हुन् ।
बैठक पार्टी कार्यालय धुम्बाराहीमा दिउँसो ३ बजे बैठक बोलाइएको प्रवक्ता नारायणकाजी श्रेष्ठ प्रकाशले बताएका छन्। तर प्रचण्डले बोलाएको वैठकमा प्रधानमन्त्री केपी ओली नजाने भएका छन् । उनले आफ्नो पक्षका सचिवालय सदस्यलाई पनि वैठकमा उपस्थित नहुन निर्देशन दिएको बालुवाटार स्रोतले बताएको छ ।
नेकपाभित्र अध्यक्षद्वय ओली र प्रचण्डबीच केहि दिनयता पुन: गम्भिर असहमति देखिएको छ ।कर्णाली प्रदेश विवाद, भारतीय गुप्तचर प्रमुखसँगको भेट र मन्त्रिपरिषद् विस्तारका विषयमा विवाद बढेको हो । यसअघि गत असारदेखि भदौसम्म पनि विवाद बढेर नेकपा झण्डै फुटको अवस्थामा पुगेको थियो ।
प्रतिक्रिया