कञ्चनपुर । कञ्चनपुर स्थित नेपाल भारतको सिमाक्षेत्र बेलौरीको दशगजामा एकतर्फी रुपमा सीमा नापजाँच गर्न आएका भारतीय अर्धसैनीक बल एसएसबीका सुरक्षाकर्मीलाई स्थानीयले फिर्ता पठाएका छन् ।
आइतबार विहान बेलौरी १० स्थित नेपाल-भारत सीमा स्तम्भ ३२ देखि ३४ नम्बरसम्मको पिलर निरीक्षण गर्ने भन्दै भारतीय सशस्त्र सीमा बल (एसएसबी) को टोलीले नेपाली भूमिमा पसेर नापिरहेको अवस्थामा स्थानीयले उनीहरुलाई नापजाँच गर्न रोक लगाएका थिए । स्थानीसँगको केही समयको वादविवादपछि थप नागरिकहरु जम्मा हुनथालेपछि सुरक्षाकर्मीहरु भारत तर्फ फर्केका थिए ।
बेलौरी १० भुडा भन्ने ठाउँको सीमामा नेपाली नागरिक र एसएसबीबीच वादविवाद भएको घटनास्थल पुगेका सीमा सरोकार समूहका सदस्य हरिश चन्दले पुष्टि गरे ।
सीमा निरीक्षण र पिल्लरको फोटो खिच्न आएको भनेर बोर्डरबाट ८०।१०० मिटर नेपाली सिमाना भित्र आएर डोरीले नेपालीको लालपुर्जा भएको जमिन नापिरहेको अवस्थामा स्थानीयले उनीहरुलाई अवरोध गरेका थिए ।
नेपालको स्थानीय प्रशासनसँग समन्वय गरेरमात्र सिमा अनुगमन गर्नु पर्नेमा नगरेको र पछि उनीहरुले कमजोरी स्विकार गर्दै माफी मागेको जिल्ला प्रशासन कार्यालय कञ्चनपुरले जनाएको छ ।
प्रतिक्रिया