एसिड प्रहारसम्बन्धी नयाँ कानुन कार्यान्वयनमा, जनकपुरमा एसिड बेच्ने र प्रहार गर्ने दुईजनामाथि मुद्दा चलाउने तयारी

खबर कुरा
३० कार्तिक २०७७, आईतवार

काठमाडौँ । एसिड आक्रमण सम्बन्धि नयाँ कानुन बने यता प्रहरीले पहिलो पटक एसिडको कारोबर गर्ने तथा एसिड प्रहार गर्ने ब्यक्तिलाई पक्राउ गरि नयाँ कानुन अनुसार कारवाही अगाडि बढाएको छ ।

धनुषाको जनकपुरमा शनिबार श्रीमती र छोरीमाथि एसिड प्रहार गर्ने सन्जिव साहलाई पक्राउ गरेपछि त्यसको अनुसन्धानका क्रममा प्रहरीले ठुलो परिमाणको एसिड तथा एसिडको बिक्रेतालाई पक्राउ गरेको छ ।

धनुषा प्रहरीका अनुसार प्रहरीले ५८ बोतल एसिडसहित नागेन्द्र साहलाई पक्राउ गरेको हो । बियरको बोतलमा भरेर राखिएको अवस्थामा साहलाई जनकपुर उपमहानगरापालिका–४ स्थित किराना पसलबाट पक्राउ गरिएको धनुषाका प्रहरी प्रमुख एसपी रमेशकुमार बस्नेतले पुष्टि गरेका छन् ।

एसिड प्रहार गर्ने सन्जिवले साहकै पसलबाट एसिड किनेको समेत खुलासा भएको छ । बरामद गरिएको एसिड करिब साढे ४३ लिटर रहेको प्रहरीले बताएको छ ।

गत साउनमा ओखलढुंगाकी पवित्रा कार्कीमाथि एसिड आक्रमण भएको घटनापछि सरकारले यसको खरिद बिक्री, एसिड प्रहारलगायतका घटनामा संलग्नलाई कठोर कानुन सजायसहितको अध्यायदेश जारी गरेको थियो ।

नयाँ कानुनअनुसार एसिड आक्रमणबाट पीडित बनेकाको सम्पूर्ण उपचार खर्च र जीवनयापनको ग्यारेन्टी राज्यले लिने कानुनमा उल्लेख छ ।नयाँ कानुनमा एसिड प्रहारबाट अंगभंग भएमा २० वर्षसम्म कैद र बिनाअनुमति बिक्रीवितरण गर्नेलाई १० वर्षसम्म कैद सजाय हुने ब्यवस्था समेत गरिएको छ ।

एसिड आक्रमणकारी र यसको अनुमतिबिना बिक्रीवितरण गर्नेै सन्जिव र नागेन्द्रमाथि नयाँ कानुन अनुसार कारबाही हुने धनुषा प्रहरीले जनाएको छ ।

यसमा तपाइको मत

Your email address will not be published. Required fields are marked *


*